Translate:
MAIMOA I LE LESONA O LE FAAMOEMOE I VAIASO TAITASI I LE TELEVISE MA UPEGA TAFAILAGI
LESONA 2:
O LE AMATAGA MA LE UIGA O LE TUSI PAIA
LESONA 2 APERILA 4-10
AOAULI O LE SAPATI
FAITAUGA MO LE SU’ESU’EGA O LE VAIASO: 2Pet.1: 19-21; 2 Tim. 3:16, 17; Teu. 18: 18; Eso. 17:14; Ioa. 1: 14; epe. 11: 3, 6.
MATUA TAULOTO: “O le mea lea matou te fa'afetai ai i le Atua, o i matou lava e le aunoa, auā na talia e outou le afioga a le Atua na outou fa'alogo mai ai ia i matou, ua le talia e outou o le upu a tagata, a e peita'i o le upu a le Atua, ua matuā galue fo'i lea i totonu ia te outou o e fa'atuatua” (1 Tesalonia 2: 3).
O la tatou va'ai ma le malamalamaga i le amataga ma le uiga o le Tusi Pa'ia na sili ona a'afia ai tele le vaega a le Tusi Pa'ia o lo o faia i o tatou olaga fa'apea fo'i le ekalesia atoa. E fa'apefea ona tatou fa'amatalaina le Tusi Pa'ia o se mea tāua ma o se uiga tosina i lo tatou malamalamaga lea i le fa'aaliga ma le musumusuga a le Agaga Pa'ia. Pe afai tatou te fia malamalama sa'o i le Tusi Pa'ia, o le mea muamua lava tatou te faia ai fa'atagaina le Tusi Pa'ia ina ia faia ona tulafono e faitau ai ma malamalama ai i fe'au. E le mafai ona tatou su'esu'e i le matematika pe o le numera i le auala o lo o fa'aaogaina i le su'esu'eina o vaega o le tino po o fa'alapotopotoga o tagata. E le mafai fo'i ona tatou su'esu'eina mea fa'asaienisi i le fa'aaogaina o mea faigaluega lava ia e tasi o lo o fa'aaogaina i le su'esu'eina o le tala fa'asolopito. O le auala lava fo'i lea e tasi, i upu moni fa'aleagaga o le Tusi Pa'ia o le a le mafai ona iloa ma malamalama sa'o i ai i auala a tagata e le talitonu e i ai se Atua e su'esu'e ai le Tusi Pa'ia e foliga mai e le o i ai se Atua. Peita'i, o la tatou fa'amatalaina o le Tusi Pa'ia e mana'omia ina ia tatou manatu mamafa i ai i le itu fa'alelagi o le Afioga a le Atua. O le mea o lo o mana'omia mo le fa'amatalaina sa'o o le Tusi Pa'ia o lo tatou su'esu'eina lea o le Tusi Pa'ia i le fa'atuatua a e le o se auala po metotia o i ai masalosaloga. O le vaiaso lenei o le a tatou va'va'ai ai i nisi o vaega fa'avae i le amataga mai ma le uiga o le Tusi Pa'ia e a'afia ai la tatou fa'aliliuga ma le malamalama i ai.
Su’esu’e le lesona o le vaiaso lenei e saunia ai mo le Sapati, Aperila 11.
*********
ULUA’I ASO APERILA 5
O LE FA'AALIGA FA'ALELAGI O LE TUSI PA'IA
Faitau 2 Peteru 1: 19-21. Na fa'apefea e Peteru ona fa'amatala lona iloa ma lona lagona e uiga i le amataga o le fe'au fa'avalo'aga a le Tusi Pa'ia? _____________________________________________________________ _____________________________________________________________
O le Tusi Pa'ia e le pei o se isi tusi. A e tusa ai o le manatu o le aposetolo o Peteru, na musumusuina le au perofeta e le Agaga Pa'ia i se auala fa'apea o le fe'au lava na aumai mai le Atua. E le o se mea na tupu mai ia i latou lava. Po o tala o le "vavau ua fatua ma le poto" (2 Pet. 1:16), o le fe'au fa'a-perofeta a le Tusi Pa'ia e mai le lagi, ma fa'amaoni ma talitonuina. O tagata pa'ia o le Atua na talatalaina mai ina ua osofia mai e le Agaga Pa'ia" (2 Pet. 1:21). Na galue le Atua i le fa'aaliga, lea na fa'aalia ai lona finagalo i e na filifilia. O le feso'ota'iga i le va o le Atua ma le tagata fa'apitoa o se fa'amaoniga lē ma'alofia lea o le Tusi Pa'ia. O le mafua'aga lea e fa'apitoa ai, le pule fa'alelagi, ma e tatou te mana'omia ina ia tatou manatunatu i mea fa'alelagi pe a tatou fa'amatalaina ma fa'aliliu le Tusi Pa'ia. A o lo tatou Atua pa'ia lava o le pule silisili, o tusiga pa'ia ua alagatatau ai lava ona ta'ua o le "Tusi Pa'ia" (Roma 1: 2, 2 Tim. 3: 15). Na tu'uina mai fo'i ina ia tatou fa'atinoina. E aogā e a'oa'o ai, e a'oa'i ai, e fa'atonu ai, e fa'apoto ai fo'i i le amiotonu, ina ia fa'aaupegaina tagata o le Atua mo galuega lelei uma" (2Tim. 3: 16, 17). Tatou te mana'omia fo'i le fesoasoani a le Agaga Pa'ia ia fa'aaogā i o tatou le mea ua fa'ailoa mai e le Atua i lana Afioga. E tusa ai o le fa'amatalaga a le aposetolo o Peteru, o le fa'amatalaina o le Afioga fa'aalia mai le lagi a le Atua e lē faia i ai ni o tatou manatu. Tatou te mana'omia le Afioga a le Atua ma le Agaga Pa'ia ina ia malamalama lelei i lona uiga. Ua fai mai fo'i le Tusi Pa'ia, "E le faia lava se mea e le Ali'i o Ieova, a e fa'aalia lona finagalo i ana auauna o perofeta" (Amo. 3:7). O le ta'u a le Tusi pa'ia i le upu "fa'aaliga" (i so o se itu) o lo o fa'amatala ai se manatu i se mea na natia muamua a o lenei ua fa'aalia ma ua lauiloa ma ua fa'aalia. O i tatou o tagata, tatou te mana'omia le mea lea ina ia fa'aalia, po o le fa'aaliga, ona o i tatou o tagata agasala, ua tete'aese ma le Atua ona talu ai a tatou agasala, ma o le mea lea ia tatou fa'alagolago ai ia te ia ia iloa lona finagalo.
E matuā faigata lava ona usiusita'i i le Tusi Pa'ia e tusa lava pe tatou te talitonu i lona amataga mai. O le a se mea e tupu pe afai pe a tatou lē fa'atuatuaina ia, ma tatou fesiligia le amataga lea fa'alelagi?
*********
ASO GAFUA APERILA 6
O LE LA'ASAGA E FA'AOSOFIAINA AI
Ona o lo o fa'aaogaina e le Atua se gagana e fa'aalia ai lona finagalo i le fanau a tagata, ua mafai ai ona tusia le fa'aaliga fa'alelagi. A ona ua uma ona tatou va'ai i ai, i le Tusi Pa'ia o le fua o le upu moni ua fa'aalia e le Atua ia i tatou e ala i le galuega a le Agaga Pa'ia, lea o lo o ia tau'aveina ma puipuia. O lana fe'au na fa'aaogaina ai le tagata o ana mea faigaluega. O le mafua'aga lenei ia tatou tulimata'i ai i le tasi o le fa'avae o lo o va'aia i le Tusi Pa'ia e mai lava i le Kenese i le Fa'aaliga (o se fa'ata'ita'iga, Ken. 3: 14,15 i le Fa'aa. 12:17).
Faitau le 2 Peteru 1: 21; 2 Tim: 16,17, ma le Teuteronome 28: 18. O le a se mea o fai mai ai mau nei i le fa'aosofiaina o le Tusi Pa'ia? _____________________________________________________________ _____________________________________________________________
O le Tusi Pa'ia atoa uma lava o le musumusuga fa'alelagi, o ona vaega uma lava na tutusa lava le musumusuga e le Agaga ina ia faitauina, e oo lava i le fa'aaogaina mo i tatou i le asō (o le fa'ata'ita'iga, o vaega e fa'atatau i tausamiga a Sa Eperū, na musuia e le Agaga e ui lava e le o mana'omia ina ia tatou tausia i le asō), A e tatou te mana'omia ina ia a'oa'oina mai tusitusiga pa'ia uma, e oo lava i vaega ia e faigata ona faitau ma malamalama ai pe le o fa'atatau ia i tatou i le taimi nei. E le gata i lea, e le o mea uma i le Tusi Pa'ia fa'apea na fa'aalia fa'alelagi sa'o mai lava. O nisi taimi na fa'aaogaina ai e le Atua le au tusitala ma latou su'esu'eina ma le fa'aeteete po o le fa'aogaina o isi fa'amaumauga na i ai (Ios. 10: 13, Luk. 1: 1-3) ina ia feso'ota'i i ai lana fe'au. O Tusi Pa'ia uma lava na osofia e le Agaga (2 Tim.3: 16). O le mafua'aga lea na fai mai ai Paulo "o mea na tusia" na tusia, ia a'oa'o mai ai ia te i tatou ina ia tatou maua le fa'amoemoe e tupu mai i le onosa'i" (Roma 15: 4). Na fa'ailoa atu e le Tusi Pa'ia o le Atua na ia tusia, a e na tusi e le tagata i ona lima; ma le ese o lona fa'atulagaina ma le ese'ese o tusi o lo o ona ta'u maia uiga ese'ese o tusitala ese'ese. O upu moni ua fa'aalia "na tu'uina mai uma lava e le Agaga o le Atua (2 Tim. 3: 16), o lo o fa'amatalaina i upu a tagata." - Ellen G. White, The Great Controversy. p. 7.
E to'atele le au atamamai o le Tusi Pa'ia o lo o latou fa'afitia tusitusiga fa'alelagi i le tele o vaega o le Tusi Pa'ia, e oo lava i le tele o a'oa'oga tāua ma le aogā - Foafoaga, Esoto, o le Toe tutu - o lo o fa'afitia. Aisea e tāua tele ai lo tatou lē tatalaina o le faitoto'a - e oo lava i sina mea itiiti? O tatou fa'amasinoina ea le Afioga a le Atua?
*********
ASO LUA APERILA 7
O LE AFIOGA TUSITUSIA A LE ATUA
"Ona fetalai mai ai lea o Ieova ia Mose, Ia e tusi nei upu, auā ua ou osia le feagaiga ma oe atoa ma Isaraelu e tusa ma ia lava upu" (Eso. 34: 27). Aisea na fetalai atu ai Ieova ia Mose ina ia tusi i lalo upu nei a e le ta'u sa'o atu loa ia te i latou? O le a se mea e lelei ai le Afioga Tusitusia? _____________________________________________________________ _____________________________________________________________
O le Atua na fetalai na faia le gagana a le tagata ma mafai ai e tagata filifilia ona feso'ota'i atu upu moni fa'alelagi ua fa'aalia ma manatu fa'alelagi ua osofia e le Agaga i se auala e fa'atuatua ma fa'alagolago atu i ai. O le mea lea, e le o se mea e ofo ai le iloa ia le Atua na poloa'i atu muamua i le au tusitala o le Tusi Pa'ia ina ia tu'uina atu ana fa'atonuga ma lana fa'aaliga e ala i tusitusiga. _____________________________________________________________ _____________________________________________________________
O a mea o a'oa'o mai ai mau o i lalo e uiga i le fa'aaliga tusitusia?
Eso. 17: 14, Eso. 24: 4__________________________________________ _____________________________________________________________
Ios. 24: 26___________________________________________________
Ier. 30: 2______________________________________________________ _____________________________________________________________
Fa'aa. 1: 11, 19; Fa'aa. 21: 5; Fa'aa. 22: 18, 19.______________________ _____________________________________________________________
Aisea na poloa'i ai le Atua o lana fa'aaliga ma ana fe'au na osofia e le Agaga ia tusia i lalo? O le tali mautinoa lava ina ia aua ne'i galo gofie ai ia i tatou. O upu tusitusia a le Tusi Pa'ia o se fa'amaumauga faifai pea lava na te ta'ita'ina tonu atu i tatou i le Atua ma lona finagalo. O fa'amaumauga tusitusia e masani lava ona puipuia lelei ma e sili atu le fa'alagolago atu i ai nai lo fe'au e tu'u gutu atu, auā e mafai ona ta'u atu ma toe ta'u atu. O le Afioga Tusia, e mafai ona fai kopi e fa'apea fo'i ona maua e le to'atele o tagata nai lo na ona ta'u atu. O le mea mulimuli, e mafai ona tatou tautala atu na o ni nai tagata fa'atasi i se nofoaga, peita'i o le tusitusia i lalo e mafai ona faitau e le anoano o tagata i so o se nofoaga ma konetineta, ma tele ai fa'amanuiaga i auga tupulaga o mulimuli mai. O le mea moni afai e le mafai e le tagata ona faitauina, a o isi e mafai ona faitauina fa'aleotele atu tusiga ua fa'amaumauina ia te i latou.
*********
ASO LULU APERILA 8
MEA E TUTUSA AI KERISO MA LE TUSI PA'IA
Faitau Ioane 1: 14; Ioa. 2: 22; Ioa. 8: 31, 32; ma le Ioane 17: 17. O a ni mea e tutusa ai o e iloa ia Iesu, ma le Afioga a le Atua ua liu tino tagata, ma le Tusi Pa'ia, o le Afioga Tusia a le Atua? _____________________________________________________________ _____________________________________________________________
O lo o i ai le mea e tutusa ai le Afioga a le Atua, lea ua liu tino tagata (Iesu Keriso), ma le Afioga tusitusia a le Atua (o le Tusi Pa'ia). E pei lava o Iesu na fa'avavega le fanau mai i le Agaga Pa'ia a e na fanau mai i le fafine, o le Tusi Pa'ia fo'i na amata mai le lagi a e na tu'uina mai i le tagata. Na liu tino tagata Keriso Iesu i le taimi ma le nofoaga fa'apitoa. Peita'i o le mea lenei na tupu e le'i ave'esea ai lona itu Atua. Ua na o ia lava le Fa'aola mo tagata uma, i le lalolagi uma i taimi uma (Gal. 4: 12). E fa'apena fo'i le Afioga Tusia a le Atua, o le Tusi Pa'ia, na tu'uina mai fo'i i se taimi fa'apitoa aemaise lava i le taimi o aganu'u na i ai. E pei lava o Iesu Keriso, o le Tusi Pa'ia e le fa'apea na tu'uina mai e fua i le taimi na i ai (o lona uiga e i ai le taimi e gata mai ai ma le nofoaga e gata mai ai); a e o lo o tumau le i ai pea mo tagata uma o le lalolagi atoa uma. Ina ua fa'ailoa mai e le Atua ia lava, na afio mai ia tutusa ma le tulaga na i ai le tagata. O le natura tagata o Iesu na fa'aalia ai fa'ailoga uma o le tulaga o vaivaiga o le tagata ma le a'afiaga o o le aga'i i lalo i le 4,000 tausaga ua mavae. A e na aunoa lava ma se agasala. E tutusa lava, ma le gagana a le Tusi Pa'ia o le gagana a le tagata, e le o se gagana e atoatoa fa'apea e leai se isi e le mafai ona tautala ai pe malamalama ai fo'i. A o i ai le mea e pau mai ai so o se gagana lava, a o le Foafoa o tagata uma, o ia lava o le foafoa na ia faia le gagana a le tagata, e atoatoa ma mafai ona feso'ota'i atu lona finagalo i tagata i se auala fa'apitoa e aunoa ma le ta'ita'ina sese ai i latou. O le mea moni lava, e i ai lava le mea e pau mai ai so o se fa'atusatusaga lava. O Iesu Keriso ma le Tusi Pa'ia e le tutusa. O le Tusi Pa'ia e le o le Atua lea ua liu tino. O le Atua e le o se tusi. O le Atua o lo o ia Iesu Keriso na liu tino tagata. Tatou te alolofa i le Atua ona tatou te tapua'i i le Fa'aola o lo o fa'ailoa mai i ona laupepa. O le Tusi Pa'ia e ese ma e fa'apitoa ma e le mafai ona ese mai le feso'ota'iga fa'alelagi a le tagata. Na iloa e Elena Uaita ina ua ia tusi e fa'apea: "O le Tusi Pa'ia ma upu moni uma ia ua tu'uina mai ai e le Atua o lo o fa'amatalaina i le gagana a tagata, o lo o tu'uina mai ai le so'o fa'atasia o le Atua ma le tagata. O le ituaiga feso'ota'iga lenei o lo o i le natura o Keriso, o le Alo o le Atua ma o le Atali'i o le tagata. Ma e sa'o ai le Tusi Pa'ia, e pei ona i ai ia Keriso, ua liu tino tagata le Upu, ua mau ma i tatou, Ioane 1: 14, - Ellen G. White , The Great Controversy, p. 8.
*********
ASO TOFI APERILA 9
MALAMALAMA I LE TUSI PA'IA I LE FA'ATUATUA
Faitau le Eperu 11:3, 6. Aisea e tāua tele ai le fa'atuatua i le malamalama i le Atua ma lana Afioga? Aisea e faigata ai ona fa'afiafia le Atua e aunoa ma le fa'atuatua? _____________________________________________________________ _____________________________________________________________ _____________________________________________________________
O le a'oa'oina moni lava o lo o i le fa'atuatua. E pei lava o le fa'atuatua o le tamaitiiti i ona mātua e mafai ai e le tamaitiiti ona a'oa'oina ia mea fou. O se mafutaga na te ta'ita'ina le tamaitiiti ia a'oa'o le fa'avae ma uiga ese'ese o le olaga ma le alofa. O le auala lava lea e tasi e taina ai e le faipese lelei ia le nota pe a oo i le taimi ua na maitauina ai le atamai fa'apitoa e fesoasoani ai i se tagata ina ia taina se musika e fa'apea fo'i pe a oo i le taimi na te fa'ailoa atu ai le fiafia i le musika, ma le fai pese, ma le ituaiga musika o fa'aaogaina. O le auala lava fo'i lea, tatou te le o malamalama lelei i le Tusi Pa'ia pe afai tatou te faitauina ma le uiga masalosalo ma fa'alotolotolua, a ia faia ma le agaga o le alofa ma le fa'atuatua. Na tusia e le aposetolo o Paulo: "A aunoa ma le fa'atuatua e le mafai ona fiafia mai le Atua" (Epe. 11: 6). O le mea lea, e mana'omia tele ai lava le faitauina o le Tusi Pa'ia ma le fa'atuatua, ma ia iloa lona amataga mai le Atua, nai lo le va'ai i le Tusi Pa'ia ua na o se tusi e masani ai. O le ekalesia Aso Fitu o le toe afio mai o lo o latou fa'amatalaina le manatu lea i le tulaga fa'alelagi o le Tusi Pa'ia i le talitonuga fa'avae muamua lava o le ekalesia Aso Fitu o le toe afio mai, o lo o fai mai ai: "O le Tusi Pa'ia, Feagaiag Tuai ma le Feagaiga fou, o le afioga tusia a le Atua, na tu'uina mai i le musumusuga fa'alelagi. O tusitala na osofia ma latou tautala atu ma tusia a o musumusuina i latou e le Agaga Pa'ia. O le Upu lenei, na avatu ai e le Atua le poto e mana'omia mo le fa'aolataga. O Tusi Pa'ia o le pule silisili, ma o se fa'aaliga lē masese o lona finagalo. O le tapula'a o le amio a le Atua, o le iloiloga o mea na tutupu, o le fa'aaliga sili o a'oa'oga, ma o fa'amaumauga tāua o galuega a le Atua i le tala fa'asolopito. (Sal. 119: 105; Fa'at. 30: 5, 6; Isa. 8: 20; Ioa. 17: 17; 1 Tes. 2: 13; 2 Tim. 3: 16, 17; Epe. 4: 12; 2 Pet. 1: 20, 21.)"
O le a se mea o misi e tagata i lo latou malamalamaga i le Tusi Pa'ia pe afai latou te le faitauina le Tusi Pa'ia ma le agaga o le fa'atuatua? Aisea e le mafai ai ona tauaso le fa'atuatua lenei? O lona uiga, o a ni mafua'aga tatau e tatau ai i le fa'atuatua lenei ma aisea fo'i e mana'omia ai le fa'atuatua lenei pe afai e talanoaina upu moni i le Tusi Pa'ia?
*********
ASO FARAILE APERILA 10
SU’ESU’EGA FA’AOPOOPO: Read the following pages from the document “Methods of Bible Study”: “2. Presuppositions Arising From the Claims of Scripture,” part a “Origin” and part b “Authority.” (“Methods of Bible Study” can be found at www.adventistbiblicalresearch.org/materials/bible -interpretationhermeneutics/methods-bible-study.)
E pei lava ona tāua e pei o le Tusi Pa'ia i lo tatou talitonuga, e matuā leai lava se tāua fa'aleagaga ia i tatou pe a aunoa ma le Tusi Pa'ia pe afai e le i ai le Agaga Pa'ia i o tatou loto ma o tatou mafaufau a o tatou faitauina ma su'esu'eina le Tusi Pa'ia. "Ua tu'uina mai e le Atua i tagata le poto ma le malamalama i tagata e mana'omia mo le fa'aolataga. E tatau lava ona taliaina le Tusi Pa'ia o le pule, o le fa'aaliga e lē masesē o lona finagalo. O le tapula'a o le amio, o le fa'aaliga o a'oa'oga, ma le iloiloga o mea tutupu....A o le mea moni lava o le fa'aalia e le Atua o lona finagalo i tagata e ala i lana afioga, e le fa'apea o le a tatou lē mana'omia ai le fa'atasi ai o le Agaga Pa'ia ma lana ta'ita'iga i o tatou olaga. O lona ese'esega, na folafolaina mai le Agaga e lo tatou Fa'aola, ina ia tatala atu le upu i ana auauna, ina ia fa'amalamalama ma fa'aaogaina ana a'oa'oga. Ma talu ai o le Agaga o le Atua o lo o ia osofia ai le Tusi Pa'ia, e faigata ai e le a'oa'oga a le Agaga ona mafai ona ese'ese ma le upu."-Ellen G. White, The Great Controversy, p. 9.
FESILI MO FELAFOLAFOA’IGA:
(1) Aisea na fa'aali ai le Atua lava ia ma lona finagalo ia i tatou? Aisea tatou te mana'omia ai le fa'aaliga?
(2) O nisi o le au popoto o le Tusi Pa'ia o lo o latou tete'eina le tele o a'oa'oga o le Tusi Pa'ia, o lo o va'aia e i latou ua na o ni tala fatu. O a'oa'oga e pei o le tala i le Foafoaga, o Atamu ma Eva e moni lava, o le Esoto, ma le tala ia Tanielu ua na o nai fa'ata'ita'iga ia (mai le Feagaiga Tuai) o a'oa'oga ua le o i ai e pei lava e leai se mea a o tala fatu na faia e a'oa'o ai upu moni fa'aleagaga. O le mea lenei ua tupu pe afai e fa'amasino e le tagata le Afioga a le Atua. O le a se mea o ta'u mai ai e le mea lenei ia i tatou e uiga i le afaina o ituaiga uiga nei?
(3) Ua fa'aalia mai e le Atua lona finagalo i se auala mamana i le Tusi Pa'ia. Peita'i o lo o fa'anaunau le Atua i lau fesoasoani i le fa'asalalauina o lona finagalo ma le tala lelei o lana fa'aolataga ua na o Iesu Keriso. Pe afai e va'ava'ai mai tagata ia te oe, o le a le ituaiga Atua latou te iloa ia te oe ma lau amio? 17
