LESONA 5: Na o le Tusi Pa'ia Lava- Sola Scriptura

---

AOAULI O LE SAPATI - APERILA 25

FAITAUGA MO LE SU’ESU’EGA O LE VAIASO: 1 Kor. 4: 1-6; Tito 1: 9, 2 Tim. 1: 13; Mar. 12: 10, 26; Luk. 24: 27, 44, 45; Isa. 8: 20. .

MATUA TAULOTO: “Auā o lo o ola le Afioga a le Atua, o lo o matuā galue fo'i, o lo o sili fo'i lona ma'ai i pelu uma e fa'atauma'ai itu, o lo o vaevae fo'i e oo lava i le vavae'eseina o le loto ma le agaga, o gaugatino fo'i ma a'ano o ivi, o lo o fa'amasino fo'i i manatu ma filifiliga o le loto” (Eperu 4: 12).

Ua fai mai le au Porotesano "ua na o le Tusi Pa'ia lava" (sola Scriptura) o lo o ona si'itia le Tusi Pa'ia i le tapula'a moni ma o le puna o lo tatou talitonuga i le Atua. O le ese'esega ma le talitonuga o le ekalesia Katoliko Roma, lea o lo o fa'amamafaina le Tusi Pa'ia ma tu ma aga, ona o le talitonuga fa'a-Porotesano o lo o ona fa'amamafaina le upu o lo o fai ma ki o le "na o lea lava" (alone); o lona uiga, o le Tusi Pa'ia ua na o ia lava o le pule mulimuli lava lea pe afai o le a i ai ni fa'afitauli i le fa'atuatuaga ma a'oa'oga.

O le Tusi Pa'ia lea ua na aumaia le malosi ma le pule i le Toe Fuata'ina a le au Porotesano ma lona tete'e atu i Roma ma mea sese o lo o ia a'oa'oina i le faitau seneturi. I le tete'e atu i le tele o le mau fa'aliliuga o le Tusi Pa'ia, i le mau uiga ese'ese o lo o faitauina i totonu o le mau o le Tusi Pa'ia, na fa'amamafaina ai e le Toe fuata'ina fa'a-Porotesano ia le tāua o le tala fa'asolopito o le fa'aliliuga o le Tusi Pa'ia, lea o lo o fa'atāuaina le fa'aliliuga sa'o o le gagana ma le uiga moni o le mau o le Tusi Pa'ia.

O le vaiaso nei o le a tatou va'ava'ai ai i le sola Scriptura i ona fa'amatalaga au'ili'ili. O le a tatou a'oa'oina ai fo'i o le sola Scriptura e fa'auigaina nisi tulafono fa'avae o le Afioga a le Atua. O le avea o ni Porotesano, e ao lava ona tatou tutumau pea i le Tusi Pa'ia o se a'oa'oga o i ai le pule silisili.

Su’esu’e le lesona o le vaiaso lenei e sauniuni ai mo le Sapati, Me 2.

**********************

ULUA’I ASO APERILA 26

O LE TUSI PA'IA O LE FUA PO O LE TAPULA'A E PULEA AI

O le manatu lava o le ekalesia Aso Fitu mai le amataga ia i latou o tagata o le Tusi, o lona uiga, o Kerisiano e talitonu i le Tusi Pa'ia. O le fa'atumauina o le tulafono fa'avae o le Tusi Pa'ia o le sola Scriptura (na o le Tusi Pa'ia lava), ua tatou iloa ai le pule tu tasi lava a le Tusi Pa'ia. Ua na o le Tusi Pa'ia lava le tapula'a e pulea ai lo tatou talitonuga ma o le pule silisili lava o le olaga ma a'oa'oga. O isi mea, e pei o le iloa ma le masani i mea tau tapua'iga, manatu o tagata po o tu ma aga, e i lalo ifo uma lava i le Tusi Pa'ia. O le mea moni lava, o le fa'avae o le sola Sriptura na fa'aagaaga ina ia puipuia mai le pule a le Tusi Pa'ia mai le fa'alagolago atu i le ekalesia ma lana fa'aliliuga, ma e mafai lava ona pulea le tapula'a o lana fa'aliliuga e tatau lava ona sau mai fafo atu o le Tusi Pa'ia.

Faitau le 1 Korinito 4: 1-6, aemaise lava le faiupu 6, lea e fai mai ai Paulo e ao lava ona tatou o i tala atu i le mea ua tusitusia. Aisea e tāua tele ai le mea lenei o lo tatou fa'atuatuaga?

__________________________________________________________________________________________________________________________

Ia lē sopo'ia i tala atu le mea ua tusia e lē aofia i ai manatu mai isi vaega o le su'esu'ega, e pei o le su'esu'eina o mea i lalo o le ele'ele po o le tala fa'asolopito. O le isi vaega o lo o avatua le malamalama i nisi o vaega o le Tusi Pa'ia ma le tala fa'asolopito o faitau o le Tusi Pa'ia, ma fesoasoani ia i tatou ia malamalama atili ai i le mau o le Tusi Pa'ia. E le aofia fo'i i ai le fesoasoani mai isi tamaoaiga i le galuega o le fa'aliliuga, e pei o le gagana, lomi fefiloi, o le fa'asino tusi, ma isi tusi ma tusitusiga ese'ese. A e o le fa'aliliuga sa'o o le Tusi Pa'ia, o le mau o le Tusi Pa'ia e fa'amuamua i lo isi mea, e pei o le poto, ma fesoasoani maua mai. O le isi manatu e tatau ona va'ai i ai e tatau ona su'esu'e ma le fa'aeteete mai le manatu o le Tusi Pa'ia atoa.

O le mea ua tatou fa'amaonia pe afai tatou te fa'aaogaina le tulafono fa'avae o le sola Scriptura pe afai e tula'i mai ia fe'ese'esega i le fa'aliliuga o lo tatou fa'atuatuaga, ona tau'avea loa lea e le Tusi Pa'ia le pule e i luga atu ma fa'amasino isi mafua'aga po o tu ma aga a le ekalesia. O le fa'a-Kerisiano ma mea o lo o aofia i ai, o le laugaina o le tala lelei e fa'alagolago i le ta'utinoga moni i le pule a le Tusi Pa'ia.

"Na o le Tusi Pa'ia lava o le Ali'i ma le Matai moni o tusitusiga uma ma a'oa'oga i le lalolagi." -Martin Luther, Luther's Works, vol. 32: Career of the Reformer 11, ed. Hilton C. Oswald and Helmut T. Lehmann (Philadelphia: Fortress Press, 1999), pp. 11, 12.

Faitau le Galuega 17: 10, 11. E fa'apefea e mau nei ona iloa le mea o tatou talonoa ai e uiga i le sili o le Tusi Pa'ia?

**********************

ASO GAFUA APERILA 27

O LE TASI O LE TUSI PA'IA

O le Tusi Pa'ia lava ia fai mai "o Tusi Pa'ia uma lava o le mānāva a le Atua" (2 Tim. 3: 16) ma e leai se valo'aga o le Tusi Pa'ia fa'apea e sau mai le fa'aliliuga a le perofeta lava ia, ma o tagata ia "na fetalai mai le Atua e pei ona latou tau'aveina mai e le Agaga Pa'ia" (2 Pet. 1: 20, 21). O le avea o le Atua o le tusitala o le Tusi Pa'ia, e mafai ona tatou manatu i le tasi o le fa'avae ma le o fa'atasi o vaega ese'ese o le Tusi Pa'ia e uiga i fa'afitauli autū o lo o ia a'oa'oina mai.

Faitau le Tito 1: 9 ma le 2 Timoteo 1: 13. Aisea i le tasi o le Tusi Pa'ia e tāua mo lo tatou talitonuga?

_______________________________________________________________________________________________________________________________________________________________________________________

Ua na o le fa'avae lava o le avea ma tasi e fa'avavau, o le tasi lea mai le musumusuga fa'alelagi, e mafai ai ona gaoioi le Tusi Pa'ia ma avea o lona lava fa'aliliu po o le fa'amatalaina e ia ia lava. Afai e le o i le Tusi Pa'ia ona tasi i ona a'oa'oga, ona le mafai loa lea ona tatou o gatasi i a'oa'oga i so o se fa'afitauli o i ai. A aunoa ma le tasi o le Tusi Pa'ia, o le a leai se mea e mafai ai ona tu'u ese'ese e le ekalesia le upu moni mai le mea sese ma te'ena a'oa'oga pepelo. O le a leai se tulafono fa'avae e mafai ai ona fa'aaogā le fua e fa'asa'o ai le upu moni mai le Atua. O le a leiloa atu e le Tusi Pa'ia le mana tosina e fa'asa'olotoina mai ai.

O Iesu ma le au tusitala o le Tusi Pa'ia, e ui lava ona sa latou taumafai ina ia avea pea le Tusi Pa'ia ia tasi, lea e fa'avae mai lona amataga fa'alelagi. O lo o mafai lava ona tatou va'aia le itu lea ia latou aga masani i le si'itia mai lea o tusi o le Feagaiga Tuai fa'apea e tutusa lava (Roma 3: 10-18; o inei o lo o fa'aaogaina ai e Paulo le si'itaga mai le Tusi Pa'ia mai le tusi o Failauga [7:20], Salamo [14: 2,3; 5:9; 10: 7], ma le Isaia [59: 7, 8]).

O tusitala o le Tusi Pa'ia o lo o latou manatu e le mafai ona tu'uese'ese se vaega o le Tusi Pa'ia, o se mea atoa e tasi o i ai ona sini e tatau ona fa'aaogā. E leai lava se mea e mafai ona tu'uese'ese ai le Feagaiga Tuai ma le Feagaiga Fou. O le Feagaiga Fou e le o se tala lelei fou po o se tapua'iga fou. O le Feagaiga Tuai o lo o ua fa'aalia i le Feagaiga Fou, ma o le Feagaiga Fou o lo o fausia a'e i luga o le Feagaiga Tuai. O le mea lea, o Feagaiga ia e lua o se feso'ota'iga ua fusia fa'atasi lea ua auina mai ai le malamalama o le isi i le isi.

O le avea o le Tusi Pa'ia ia tasi o lo o fa'apea fo'i ona fa'atatau i Tusi Pa'ia uma lava (tota Acriptura) e tatau lava ona manatunatu lelei i ai pe afai tatou te su'esu'eina mataupu o le Tusi Pa'ia, nai lo le fausia a'e o a tatou a'oa'oga i faitau o lo o tutu ua na o i latou lava.

**********************

ASO LUA - APERILA 28

O LE MANINO O LE TUSI PA'IA

Ua so'o se mea lava o lu'itau mai ai na o le Tusi Pa'ia lava o le a itiiti lava sona tāua pe afai o le mau o le Tusi e le o manino mai lona uiga.

Faitau le Mataio 21: 42; Mataio 12: 3, 5; Mataio 19: 4; Mataio 22: 31; Mareko 12: 10, 26; Luka 6: 3; Mataio 24: 15; ma le Mareko 13: 14. O le a se mea o toe ta'ua mai e Iesu e fa'atatau i le Tusi Pa'ia o fa'aaogaina e fa'atatau i le manino lelei o lana fe'au?

__________________________________________________________________________________________________________________________

O le molimau a le Tusi Pa'ia e sa'o lava ma manino: Ua lava le manino o le Tusi Pa'ia i le mea o lo o ia a'oa'o mai. E matuā manino lava ma malamalama le Tusi Pa'ia i le fanau fa'apea fo'i tagata matutua, aemaise lava ona a'oa'oga fa'avae. Ma e le uma avanoa mo lo tatou malamalamaga ma le poto e loloto ai lo tatou tuputupu a'e. Tatou te le o mana'omia ni failauga atamamai e ta'u mai ia i tatou le uiga o le Tusi Pa'ia. A o ona a'oa'oga fa'avae e mafai ona malamalama i ai le au fa'atuatua uma. O lo o tausisi pea i le avea o le au fa'atuatua o faitaulaga a e le o le fa'asāsā lona fa'aliliuga i na o nai tagata laiti, e pei o nao faitaulaga faife'au. O le mea lea, ua fa'amalosia i tatou i le Tusi Pa'ia ina ia su'esu'e le Tusi Pa'ia mo i tatou lava ona e mafai ona tatou malamalama ai i le fe'au a le Atua mo i tatou.

Ua matuā fa'ailoa mai lava le fa'ata'ita'iga o tusitala o le Tusi Pa'ia o lo o fa'aalia ai o le Tusi Pa'ia ia tau'aveina lava e pei ona i ai i lona manino lelei, se'i vaganā ua manino ma iloa o lo o fa'afa'atusa....E leai lava se mea o le a tatou ave'esea ai le pa'u o lo o ufiufi ai, ina ia tatou iloa atu ai le a'ano o le mea lilo, o lo o natia, i lona uiga fa'afa'atusa, ua na o le tagata lava na ia amataina e mafai ona ia ave'esea ma su'esu'eina. O le malamalama lelei lava po o le manino o le Tusi Pa'ia e patino lava lea i le gagana, lagona, ma upu o le Tusi Pa'ia ona o lo o i ai le upu moni tonu na fa'aagaga e tusitala o le Tusi Pa'ia ia faaalia mai.

E leai lava se mea o mea nei fa'apea e i ai taimi tatou te faitau ai i mau ma le mafai ona tatou malamalama ai. A o le Afioga lenei a le Atua, a o i tatou lava o tagata agasala ua pa'u'u. A e ui lava i lea, ua lava le manino o le Afioga a le Atua i mea o lo o tatou mana'omia ia iloa ma malamalama i ai, aemaise lava ia lo tatou feso'ota'i atu i le fesili o le fa'aolataga.

Manatunatu i le taimi na e le malamalama ai i ni mau o le Tusi Pa'ia a e mulimuli ane e malamalama ai. O le a se mea na e a'oa'oina mai ai atonu e mafai ona fesoasoani ai i isi o tauivi ma le fa'afitauli lava lea?

**********************

ASO LULU - APERILA 29

FA'AMATALA E LE TUSI PA'IA LE TUSI PA'IA

Ona o le tasi o le fa'avae o le Tusi Pa'ia e mafai ai ona gaoioi ma fa'aaogaina le Tusi Pa'ia e fa'aliliu ma fa'amatala lava e ia ia lava. A aunoa ma le fa'avae lenei e tasi, o le a le mafai loa e le Tusi Pa'ia ona avea ma malamalama na te fa'aalia lona lava uiga moni, le avea o se vaega e tasi o le Tusi Pa'ia na te fa'amatalaina le isi vaega ma avea ai o le autū po o le sini e malamalama ai i isi faitau o feso'ota'i atu i ai.

Faitau le Luka 24: 27, 44, 45. Na fa'apefea ona toe ta'ua e Iesu le Tusi Pa'ia e fa'amatala ai po o ai ia? O le a se mea o a'oa'o mai ai i tatou e uiga pe fa'apefea ona tatou mafai ona fa'aaogaina le Tusi Pa'ia?

_____________________________________________________________

____________________________________________________________

O le matagofie o le fa'atagaina o le Tusi Pa'ia ina ia fa'amatalaina le Tusi Pa'ia ona e fa'asoa atili atu ai le malamalama i lona lava uiga. O le faia o le mea lea, tatou te le o tu'u fa'atasia faitau nei ia fa'amaonia ai o tatou manatu. A o le a tatou va'ai toto'a i ai ma le fa'aeteete i mea o tusia i faitau ta'itasi nei. E tatau ona tatou su'esu'e lelei ma le fa'aeteete mea o i le tusi o lo o maua ai le faitau lea. E le gata i lea, e tusa ai ma le fa'amatalaga a Paulo i le Tusi Pa'ia, "o mea uma na tusia anamua na tusia ia e a'oa'o mai ai ia te i tatou" (Roma 15: 4), e ao lava ona tatou su'esu'e mea uma ua fai mai ai le Tusi Pa'ia i le mataupu o talanoaina.

"O le Tusi Pa'ia e i ai lava lona fa'amatalaga, e fa'atusatusa le Tusi Pa'ia i le Tusi pa'ia. E ao lava ona a'oa'o e tagata a'o'oga o le Tusi Pa'ia le upu atoa, ma va'ai i ona vaega uma o feso'ota'i i ai. E tatau ona ia maua le malamalama o lona sini autū, ia le pogai o le fuafuaga a le Atua i le lalolagi, ia le tula'i mai o le finauga tele, ma le galuega o le fa'aolataga."-Ellen G. White, Ed, p. 190.

Pe afai tatou te fa'atusatusa le Tusi Pa'ia i le Tusi Pa'ia, e tāua tele ai le su'esu'e lelei o le Tusi Pa'ia. Pe a faigofie, e mafai ona tatou faia i le gagana na tusia ai, ia po o se fa'aliliuga sa'o ma fa'aliliuina i lona uiga moni e pei ona i ai i le fa'a-Eperu ma le fa'a-Eleni e pei ona amata mai ai. E ui lava o le iloa o ulua'i gagana nei e le o mana'omia ina ia tatou malamalama ai i le Tusi Pa'ia, a e matuā fesoasoani tele lava pe afai e mafai ai. A leai, o le su'esu'ega fa'amaoni ma le tatalo o le Upu, ma le uiga o le loto maulalo ma tu'uina atu atoatoa, tatou te mautinoa lava e fua tele mai.

Manatunatu i se a'oa'oga, pei o le tagata oti, o i ai faitau e mafai ona sese ai pe afai tatou te le amana'ia isi faitau. O le a se mea o ta'u mai ia i tatou i le tāua i le aoao mai ma faitau le mea o fai mai ai le Tusi Pa'ia e uiga i le mataupu ia malamalama lelei i le mea o a'oa'o mai ai le Tusi Pa'ia?

**********************

ASO TOFI  - APERIL 30

SOLA SRIPTURA MA ELENA UAITA

Faitau le Isaia 8: 20. Aisea le mea e tāua ai le toe liliu i tua i le tulafono ma le mau e avea o le tapula'a o a tatou a'oa'oga? O le a le uiga o le galuega a perofeta ua le o avea o se vaega o le kanona o le Tusi Pa'ia?

__________________________________________________________________________________________________________________________

Pe afai tatou te talanoa i le sola Scriptura (na o le Tusi Pa'ia lava), o le Aso Fitu o le toe afio mai o lo o fesaga'i pea ma le fesili e uiga ia Elena Uaita, lea fo'i na musumusuina e le Agaga o le Atua ma galue o le ave fe'au a le Atua i ona tagata o totoe. O le a se feso'ota'iga o ana tusiga i le Tusi Pa'ia?

E oo lava i le faitauina o tusitusiga a Elena Uaita o lo o fa'aalia manino mai ai, le avea o le Tusi Pa'ia ma fa'avae ma ogatotonu o ona manatu uma ma lona talitonuga i le Atua. O le mea moni, na ia toe ta'ua ma fa'amausalī o le Tusi Pa'ia o le pule silisili ma o le fua sili lava ma o le tapula'a mo a'oa'oga uma, fa'atuatuaga, ma lona fa'atinoina (Great Controversy, p. 595). A e na ia fa'amaninoina mai fo'i lona lagolagoina ma si'itia le tulafono fa'avae a le au Porotesano o le (Great Controversy, p. 9).

O le taofia lava o Elena Uaita ia, o ana tusitusiga, pe afai e fa'atusatusa ma le Tusi Pa'ia, ua o se molī itiiti ia ta'ita'i atu ai ali'i ma tama'ita'i i le molī telē, o le Tusi Pa'ia (Advent Review and Sabbath Herald, January 20, 1903). O ana tusitusiga ua le o se ala pu'upu'u po o se mea e sui tulaga i se su'esu'ega o le Tusi Pa'ia. O le mea moni lava, na ia fai mai: "E te le o masani ma le Tusi Pa'ia. Pe afai o le a e avea le Afioga a le Atua e te su'esu'e i ai, ma le fa'anaunauga ina ia e ausia le tapula'a a le Tusi Pa'ia ma tumau ai i le olaga Kerisiano atoatoa, e te lē mana'omia ni molimau. Ona ua e fa'atalalē e te fa'amasani ma le Tusi a le Atua lea o lo o sa'ili ai ina ia maua oe e ala i molimau faigofie."-E.G.White, Testimonies for the Church, vol. 2, p. 605.

O le mea lea ua mo'omia ai tele ana tusitusiga. O lo o latou fa'asoa atu le agaga lava lea na musumusuina ai le au tusitala o le Tusi pa'ia, peita'i e ese'ese lo latou fa'aaogaina nai lo le Tusi Pa'ia. O ana tusitusiga e le o se fa'aopoopoga o le Tusi Pa'ia peita'i e i lalo ifo o Tusitusiga Pa'ia. E le i fa'atasi ona fa'aagaga ana tusitusiga ina ia sui tulaga i le Tusi Pa'ia, peita'i, na ia si'itia le Tusi Pa'ia e avea o le tapula'a lea e tasi mo lo tatou fa'atuatuaga.

Manatunatu i se meaalofa sili ua tu'uina mai ia i tatou e ala i le galuega a Elena Uaita. E fa'apefea ona tatou a'oa'oina ina ia sili ona tatou fiafia i ai i le malamalama ofoofogia ua aumaia mai ia te ia a o ia taofi pea i le silisili o le Tusi Pa'ia?

**********************

ASO FARAILE - ME 1

SU’ESU’EGA FA’AOPOOPO: I le mataupu o lo o i ai le fa'aliliuga o le Tusi Pa'ia i le tusi o i ai le talitonuga o le eklaesia Aso Fitu o le Toe afio mai, faitau le vaega o i ai upu fa'afa'atusa: "Tusi Pa'ia i lona lava fa'aliliuga," The Consistency of Scripture, and The Clarity of Scripture, pp. 64-66. Read Chapter 20, "Bible Teaching and Study," in the book Education, pp. 185-192; "The Primacy of the Word" in Selected Messages, book 3, pp. 29-33.

"O tagata a'oa'oina o le Tusi Pa'ia e ao ona a'oa'oina ia su'esu'eina le Tusi Pa'ia i le agaga ia a'oa'oina ai. E tatau ona tatou su'esu'eina ona laupepa, e le ona ia fa'amaonia ai o tatou manatu, peita'i ina ia tatou iloa ai le mea o fetalai mai ai le Atua. O le poto moni lava o le Tusi Pa'ia e mafai ona tatou maua a ua na o le fesoasoani mai lava o le Agaga lea na aumaia ai le Upu. A e ina ia tatou maua le poto lenei e tatau lava ona tatou ola ai. O mea uma lava ua poloa'i mai ai le Afioga a le Atua, e ao lava ona tatou usiusita'i i ai....O le su'esu'eina o le Tusi Pa'ia o lo o manaomia tele ai le mea sili tatou te mafaia ona fai ma tausisi pea i ai. Pei o le tagata eli minerale o elia le auro o le tamaoaiga i le ele'ele, ia fa'apea ona naunau, ma tausisi pea lava, ma tatau ona tatou sa'ili mo le 'oa o le afioga a le Atua."- ellen G. White, Education, p. 189.

"Pe afai e te avea le Tusi Pa'ia o lau mea 'ai, o lau fasi povi ma o lau mea inu, pe afai e te avea ona tulafono fa'avae e avea o lau amio, o le a sili atu ai loa ona e iloa atili le auala e te maua ai fautuaga mai le Atua. Ou te si'itia ma fa'aeaea i le tāua o le upu o i ou luma i le asō. Aua tou te toe ta'ua le mea ua ou fai atu ai." Su'esu'e le mea o fai mai ai le Ieova le Atua o Isaraelu, ma faia loa le mea o lo o ia poloa'i mai ai."-E.G. White, Selected Messages, book 3, p. 33.

FESILI MO FELAFOLAFOA’IGA:

(1) O a ni talitonuga sese i tagata ona talu ai o lo o latou va'ai i ni nai mau a e le o le mea o fai mai ai le Tusi Pa'ia?

(2) I le Mataio 11:11, na fetalai mai ai Iesu ia Ioane le Papatiso: E moni, ou te fai atu ia te outou, e le tu mai i e na fananau i fafine se sili ia Ioane le Papatiso, a o lē aupito i itiiti i le malo o le lagi, e sili lea ia te ia. O lo o fa'asino atu e Iesu i le perofeta i inei e le o i ai ni ana tusitusiga i le Tusi Pa'ia a ua ia fetalai mai mea ia ia te ia. O le a se mea ua ta'u mai e mea nei fa'atatau i se perofeta moni a e leai sana tusi i le Tusi Pa'ia a o lo o avea pea lava ma perofeta moni? O le a se fe'au e afai e i tatou Aso Fitu o le Toe afio mai ona tatou maua mai i le tala moni lenei?

(3) O i tatou o Aso Fitu o le toe afio mai, ua le na o i tatou o fai mai o le Tusi Pa'ia o le pule sili mulimuli lava lea. E fa'apefea isi ekalesia. A e fa'apefea la ona tatou fa'amatalaina a'oa'oga o feteena'i ai isi Kerisiano?