LESONA 6: Aisea e Mana'omia ai le Faauiga o le Tusi Paia?

---

AOAULI O LE SAPATI

FAITAUGA MO LE SU’ESU’EGA O LE VAIASO: Luka 24:36-45; 1 Kor. 12: 10; 1 Kor. 14: 26; Gal. 17: 16-32; IoNW 12: 42, 43.

MATUA TAULOTO: “A leai fo'i se fa'atuatua e le mafai ona fiafia mai o ia, auā e tatau i le alu atu i le Atua ona talitonu o lo o soifua o ia, o ia fo'i na te tauia mai o e matuā sa'ili ia te ia” (Eperu 11: 6).

O le faitauina o le Tusi Pa'ia e mafai fo'i ona fa'auiga i le fa'aliliuina po o le fa'amatalaina o le Tusi Pa'ia. A e fa'apefea ona tatou faia lea mea? O a ni tulafono tatou te fa'aaogaina? E fa'apefea, mo se fa'ata'ita'iga, ona tatou fesaga'i ma ituaiga tusitusiga ese'ese o tatou maua ai i inei? Mo se fa'ata'ita'iga, o le faitau o tatou faitauina ai le fa'ataoto, o le miti fa'afa'atusa fa'avalo'aga, po o se tala fa'asolopito o fa'amatalaina? O se filifiliga i se fesili tāua fa'apea i mea o i totonu o le Tusi Pa'ia o aofia ai le galuega o le fa'amalamalamaina.

E i ai taimi, o nisi tagata ua latou fa'aaogaina le Tusi Pa'ia ua o se faufautua fa'aleagaga: na ona tatala lava o le Tusi Pa'ia ma feso'ota'i atu i le faitau e pei ona maua ma ta'ita'i atu ai i se faitau e ese ma sese lona i'uga.

O se fa'ata'ita'iga, pe afai ua tu'ua e le tane lana avā ona o se tasi fafine, a e maua e le avā se mautinoaga ina ua na maua ni mau fa'apea: "Ou te fa'atupuina le feitaga'i ia te oulua ma le fafine" (Ken. 3: 15). Ua una'ia lava ia, e fa'avae mai i le faiupu lea, ma fa'apea ai o le mea lea ua faia e lana tane e le umi!

Ua so o se mau lava e aunoa ma le mea o mafua mai ai e vave lava ona avea o se mafua'aga o ou lava manatu. O le mea lea, ua i ai ai se mana'oga aupito i sili mo i tatou ia le na o le faitauina o le Tusi Pa'ia peita'i ia fa'aliliu ma fa'amalamalama sa'o.

Su’esu’e le lesona o le vaiaso lenei e sauniuni ai mo le Sapati, Me 9

ULUA’I ASO APERILA 3

O MEA SA MANATU E TATAU ONA I AI

Faitau le Luka 24: 36-45. O le a se mea na taofia mai ai le au so'o, na masani ma le Tusi Pa'ia, i le va'ai i le uiga moni o le Upu a le Atua, e oo lava i le valo'ia mai o mea e tutupu ma fa'ailoa atu ia i latou?

__________________________________________________________________________________________________________________________

E leai lava se tasi e faitau i mau o le Tusi Pa'ia fa'apea e gaogao le mafaufau. So o se tagata faitau lava, le au a'oa'oina o le Tusi Pa'ia, e sau i le Tusi Pa'ia ma se tala fa'apitoa ma le iloa e oe lava ia le a'afiaga e le ma'alofia ia le fa'aaogaina o le fa'aliliuga po o le fa'amalamalamaga. E oo lava i le au so'o i o latou lava manatu fa'apitoa po o ai le Mesia ma o le a lana mea sa tatau ona fai, e fa'avae i mea na tulimata'i i ai i lo latou lava taimi. O mea na una'ia malosi i ai i latou na puipuia mai ai i latou i le malamalamaga manino o mau o le Tusi Pa'ia, sa tatau ona fesoasoani ai ia i latou ina ia fa'amatalaina i le mafua'aga na latou lē malamalama ai pea ia Iesu ma mea na tutupu i lona soifuaga, maliu, ma lona toe tu mai.

Ua tatou taofi uma lava i le mau talitonuga e uiga i le lalolagi lenei, i le moni a'ia'i, o le Atua, ma isi mau mea, e tatau ona tatou i ai pe taliaina fo'i-e oo lava i le mea na tatou le'i mafaufauina po o le le'i manatu i ai - pe afai tatou te fa'amatalaina le Tusi Pa'ia. E leai lava se isi o su'esu'eina le mau o le Tusi Pa'ia fa'apea e gaogao le mafaufau. Pe afai o lea, o se fa'ata'ita'iga, e i ai se taofi o se tasi i le lalolagi e le o manatu i le fa'auilavea fa'alelagi a le Atua, o le tagata lea na te le o faitauina ma malamalama i le Tusi Pa'ia ua o se tala moni i le mea ua faia e le Atua i le tala fa'asolopito, peita'i e ese lona fa'amatalaina po o lo o ia fa'aliliuina mai se tasi o lo o ona taliaina le moni o vavega fa'alelagi.

O le au fa'aliliu o le Tusi Pa'ia e le o mafai ona latou lafoa'ia atoatoa i latou mai le taimi ua te'a, o mea na latou oo i ai, manatu i mea na latou nonofo ai, o latou manatu na i ai. Ma ua le o mafai ai ona latou malamalama i le Tusi Pa'ia. O le su'esu'eina o le Tusi Pa'ia ma a'afiaga o le talitonuga i le Atua e masani lava ona fete'ena'i ma le tala fa'asolopito o le mea e tatau ona i ai e uiga i le natura po o uiga masani o le lalolagi ma le natura o le Atua.

Peita'i o se tala lelei ona o le Agaga Pa'ia na te mafai ona tatalaina ma fa'asa'o mea o lo o gata mai ai la tatou va'ai ma mea na tatou manatu e tatau ona i ai ina ua tatou faitauina upu o le Tusi Pa'ia ma o tatou loto fa'amaoni ua tatalaina atu. O lo o fa'amausaliina pea lava pea e le Tusi Pa'ia ia tagata i le ese'ese o mea e o mai ai na latou mafai lava ona malamalama i le Afioga a le Atua ma le ta'ita'iga a le Agaga Pa'ia ia i tatou ina ia malamalama i upu moni uma lava" (Ioane 16: 13).

ASO GAFUA ME 4

FA'ALILIUGA MA LE FAA'MALAMALAMAINA

O le Tusi pa'ia na tusia i le gagana anamua: o le Feagaiga Tuai na tusia ma matele i le fa'a-Eperu, ia ma nai faitau i le gagana Aramaika, a o le Feagaiga Fou na tusia i le Koini fa'a-Eleni. O le tele lava o le faitau o le lalolagi na latou le'i tautala ma faitau ia gagana nei mai anamua. O le mea lea, na tatau ai ona fa'aliliuina le Tusi Pa'ia i gagana ese'ese fa'aonapo nei.

Peita'i, i so o se tagata fa'aliliu lelei lava na te iloa, so o se fa'aliliuga lava e aofia i ai ni ituaiga o fa'aliliuga po o ni fa'amalamalamaga. O nisi upu i le gagana e tasi e le fa'apea e tutusa ma le isi. O le iloa ma le tomai o le fa'aliliuga ma le fa'aeteete ma le fa'amatalaina ma fa'amalamalamaina o mau i isi gagana e ta'ua o le (hermeneutics).

Faitau le 1 Korinito 12: 10, 1 Korinito 14: 26, Ioane 1: 41, Ioane 9: 7, Galuega 9: 36, ma le Luka 24: 27. O faitau uma o i luga, ua tatou iloa ai se manatu o le fa'aliliuga ma le fa'amalamalamaga. I le Luka 24: 27 e oo lava ia Iesu e tatau ona ia fa'amatalina le uiga o le Tusi Pa'ia i le au so'o. O le a se mea o ta'u mai ia i tatou i le tāua o le fa'amalamalamaina?

__________________________________________________________________________________________________________________________

O le upu Eleni o le hermeneuo, ua maua ai le upu hermeneutics (o le fa'afa'amalamalamaina po o le fa'aliliuga o le Tusi pa'ia), e sau mai le atua o Eleni o Hermes. O Hermes sa manatu o se na auina atu ma o le ave fe'au a atua., ma o ia fo'i e gafa ma isi mau mea, na te fa'aliliuina fe'au fa'alelagi mo tagata.

O se manatu tāua mo i tatou e uiga i le hermenutics, se'i vagana ua tatou faitauina gagana na amata mai ai, ua na o le pau lava lea o le mea e mafai ona tatou iloa ai mau e ala lea i le fa'aliliuga po o le fa'amalamalamaina. O le tele lava la o fa'aliliuga o lo o latou faia se galuega lelei i le avatua lea o se uiga tāua. A e tatou te le o mana'omia ina ia tatou iloa le gagana na amata mai ai ina ia tatou malamalama ai i upu moni tāua o lo o fa'aalia mai i Tusi Pa'ia, e tusa lava pe ia i tatou le poto lea i le gagana e mafai lava fo'i ona aogā. A e oo lava i le faa'liliuga e lelei, a o le fa'aaogaina sa'o o le mau e tāua, e pei ona tatou va'ai i ai i le Luka 24: 27. O le mafua'aga autu lava lea o le hermeneutics: ina ia avatu ai le uiga moni o mau o le Tusi Pa'ia ma fesoasoani ai ia i tatou ina ia iloa pe fa'apefea ona fa'aaogaina le a'oa'oga a le mau i o tatou lava olaga i le taimi nei. E pei o le mau i le Luka o i luga o lo o fa'aalia ai, na faia e Iesu le mea lenei mo ona so'o. Ia mafaufau i le mea e tatau ona i ai i le pei o le i ai o Iesu lava ia ma fa'amatala ma fa'amalamalamaina faitau nei mo oe!

ASO LUA ME 5

O LE TUSI PA'IA MA LE AGANU'U

Faitau le Galuega 17: 16-32. I le Galuega 17, na taumafai ai Paulo e tu'uina atu le fe'au o le tala lelei i se auala e fou: o le poto i le aganu'u fa'a-Eleni. E fa'apefea e le mau aganu'u ese'ese ona a'afia ai ia le auala tatou te iloa ai le tāua o manatu ese'ese?

__________________________________________________________________________________________________________________________

O le tala fa'asolopito i le poto i le aganu'u a Sasa'e Lata mai e mafai ona fesoasoani e malamalama ai i nisi o faitau o le Tusi Pa'ia. O se fa'ata'ita'iga, i le aganu'u fa'a-Eperu e pa'ū lava i luga o le tagata lava ia le mea na te le'i faia peita'i na ia fa'atagaina e tupu. O le mea lea, o tusitala o le Tusi Pa'ia na musumusuina na vivi'i i le Atua i lona faia o le mea lea i manatu o le itu i Sisifo e mafai ona tatou fa'apea ane na ia fa'atagaina ia pe na te le'i taofia mai ina ne'i tupu, mo se fa'ata'ita'iga, o le fa'ama'a'aina o loto o Farao.

O le aganu'u fo'i ua tula'i mai ai nisi o fesili tāua i le auala o tatou faitau ma malamalama ai i le Tusi Pa'ia. Po o le Tusi Pa'ia ea e fa'atatau i le aganu'u a tagata na soifua i le taimi na tusia ai le Tusi Pa'ia? Po o le fe'au fa'alelagi na tu'uina atu i se aganu'u fa'apitoa ma si'itia le aganu'u fa'apitoa lenei ma tautala atu ai i tagata ola uma? O le a se mea e tupu pe afai o se aganu'u lea o le a avea ma fa'avae e fua ai la tatou fa'aliliuga o le Tusi Pa'ia?

I le Galuega 17: 26, na tu'uina mai ai e le aposetolo o Paulo se fa'amatalaga mata'ina ia le mea moni o lo o tatou misia pea pe a faitauina e tagata le mau lenei. Ua ia faia fo'i e ia o nu'u uma o tagata i le toto e tasi. A o tatou i ai i aganu'u ese'ese, e i ai lava le fusi e masani ai o lo o ia tu'u fa'atasia tagata uma, e ui lava e i ai ese'esega o a latou aganu'u, ma ona talu ai o le Atua o lo tatou Foafoa mo tagata uma. O tatou uiga agasala ma lo tatou mana'oga o le fa'aolataga e le gata mai i se aganu'u e tasi. Tatou te mana'omia uma lava le fa'aolataga ua ofoina mai mo i tatou e ala i le maliu ma le toe tu o Iesu Keriso.

E ui lava na fetalai le Atua i tupulaga fa'apitoa, na ia silasila i ai o tupulaga lumana'i i le faitauina o le Afioga a le Atua o le a malamalama i upu moni ia o le a oo i tala atu o le loto i fale ma le si'osi'omaga i le taimi na tusia ai le Tusi pa'ia.

E tutusa lava ma le ituaiga matematika, lea na ulua'i maua i le iva o seneturi i Bagdad. Po o le uiga ea, o upu moni ma tulafono fa'avae o le ituaiga matematika nei e gata lava i lea taimi ma lea nofoaga? O le mea moni e leai.

O le tulafono lava fo'i lea o lo o fa'aaogaina i upu moni o le Afioga a le Atua. E ui lava o le Tusi Pa'ia na tusia anamuā i se aganu'u e ese mai ma i tatou i le asō, a o upu moni o lo o i ai o lo o aogā mo i tatou nei e pei o i latou na mua'i ta'ua i ai.

ASO LULU ME 6

O TATOU NATURA AGASALA MA LE PA'Ū ESE

Faitau le Ioane 9: 39-41 ma le Ioane 12: 42, 43. O le a se mea o taofia ai tagata mai faitau nei mai le taliaina o le upu moni o le fe'au a le Tusi Pa'ia? O a ni upu o lapata'iga ma se fautuaga tatou te aumaia mai mea nei o lo o tutupu mo i tatou lava?

__________________________________________________________________________________________________________________________

E faigofie ona toe va'ai i tua ma le lē fiafia i ta'ita'i o tapua'iga na latou te'ena Iesu e ui lava na i ai fa'amaoniga malolosi. A e tatau lava ona tatou fa'aeteete ina ia aua tatou te faia le mea lava lea e tasi pe a su'esu'e lana Afioga.

E le fesiligia ia le agasala ua na fa'aleagaina la tatou mafutaga ma le Atua. Ua a'afia e le agasala mea uma o i ai le fanau a tagata. Ua a'afia fo'i lo tatou tomai e fa'amatala ai le Tusi Pa'ia. Ua le na o lea o mea uma ua i o tatou manatu ua faigofie ona fa'aaogā i le i'uga agasala, a o tatou mafaufau ma o tatou manatu ua leaga i le agasala, o le mea lea, e tatau ai ona tatou fa'alatalata i le upu moni a le Atua. O uiga nei ua fa'aleagaina e mafai ona iloa i o tatou manatu: o le fa'amaualuga, fa'aseseina o oe lava, masalosalo, mamao ma le Atua, ma le lē usiusita'i.

O le tagata fa'amaualuga na te fa'asilisilia lava ia i le Atua ma lana Afioga. Ona talu ai o le fa'amaualuga na te ta'ita'i atua le tagata o lo o fa'amatalaina i le fa'amamafaina o le mea o manatu i ai le tagata i le upu moni, e tusa lava po o lo o i ai le upu moni i le Tusi Pa'ia. O le uiga lenei na te soloiesea le pule fa'alelagi a le Tusi Pa'ia.

O nisi tagata e fia fa'alogo na o manatu lava e fiafia i ai, e tusa lava pe ese'ese ma le finagalo fa'aalia o le Atua. Ua lapata'ina i tatou e le Atua fa'atatau i le mata'utia o le fa'aseseina o oe lava (Fa'aa. 3: 17). O le agasala fo'i lo o ia fa'amalosia le fa'alotolotolua ma le masalosalo, ua tatou ave'esea ai ma tatou manatu ai ia aua tatou te talitonu i le Afioga a le Atua. Pe afai e amata ona masalosalo, o le a le mafai loa ona avea loa le fa'aliliuga o le mau o le Tusi Pa'ia o se mea e mautinoa. A o le a avea le tagata masalosalo ona vave lava ona si'itia ia lava i se tulaga o le a na fa'amasinoina ai le mea e le o talia e le Tusi Pa'ia, ua o se laufanua e sili ona mata'utia ua tatou tutu ai.

Peita'i, e tatau ona tatou su'esu'eina le Tusi Pa'ia i le fa'atuatua ma gaua'i, a e le o se uiga o le faitio ma le masalosalo. O le fa'amaualuga, fa'aseseina o oe lava, ma le masalosalo e ta'ita'ina atu ai oe i se uiga e te mamao ai ma le Atua ma le Tusi Pa'ia ma e mautinoa ai fo'i e ta'ita'i atu ai oe i le lē usiusita'i, o lona uiga, o lou lē naunau lea ia mulimuli i le finagalo fa'aalia o le Atua.

Ua maua ea oe i se uiga o le fa'asagatau i lou iloa i le mea na e faitauian i le Tusi Pa'ia-o lona uiga o le ta'ita'ina sa'o atu lea o oe ia faia le mea, a o lea lava e te mana'o ia fai le isi mea?

ASO TOFI ME 7

AISEA E TĀUA AI LE FA'AMALAMALAMAGA

Faitau le Ne'emia 8: 1-3, 8. Aisea e tāua tele ai lo tatou malamalama i le Tusi Pa'ia, e le gata o tagata ta'ito'atasi a o le ekalesia?

__________________________________________________________________________________________________________________________

O le fesili aupito i sili o le Tusi Pa'ia o le fesili lea i le fa'aolataga pe fa'apefea ona fa'aolaina i tatou. O le a se isi mea e tāua? O le a se mea lelei o i ai, e pei ona ta'ua mai e Iesu lava ia ia i tatou, pe afai tatou te maua le lalolagi uma a e ma'imau o tatou agaga (Mat. 16: 26)?

Peita'i o le iloa o le mea o a'oa'o mai ai le Tusi Pa'ia e uiga i le fa'aolataga e fa'alagolago tele atu lea i le fa'aliliuga. Pe afai tatou te su'esu'e ma fa'aliliu pe fa'amatala sese le Tusi Pa'ia, e mafai ona tatou oo i se fa'ai'uga sese, e le gata i le malamalamaga i le fa'aolataga peita'i o isi mea uma o lo o a'oa'o mai ai le Tusi Pa'ia. O le mea moni lava, e oo lava i le taimi o le au aposetolo, na oo mai ai talitonuga sese i totonu o le ekalesia, e le o fa'ailoga fesili le falute mai o le mau a'oa'oga sese o le fa'aliliuga ma le fa'amatalaina o le Tusi Pa'ia.

Faitau le 2Peteru 3: 15. O le a se mea o ta'u mai e mea nei ia i tatou e uiga i le tāua o le faitauina sa'o o le Tusi Pa'ia?

_____________________________________________________________

_____________________________________________________________

O le mea moni lava pe afai o i tatou o tagata o le Tusi, o ai la o le a mana'o e ola i le Tusi Pa'ia na o le Tusi Pa'ia lava-ma leai seisi pule e pei o tu ma aganu'u, o talitonuga, po o se a'oa'oga o pulea ai le ekalesia ina ia fa'amatala le Tusi Pa'ia mo i tatou-ona avea loa lea o le fa'afitauli o le fa'amatalaga sese o le Tusi Pa'ia o le a tāua ona talu ai ua na o le Tusi Pa'ia lava o ia i tatou e ta'u maia ia i tatou le mea e tatau ona tatou talitonu i ai ma le auala tatou te ola ai.

O le fa'afitauli o le fa'aliliuga o le Tusi Pa'ia e tāua tele mo lo tatou talitonuga i le Atua ma le su'esu'eina o mea tau tapua'iga i le ekalesia. O le aunoa ma le fa'aliliuga po o le fa'amatalaina sa'o o le Tusi Pa'ia, o le a le tasi loa a'oa'oga ma lē tasi le ekalesia ma la tatou galuega. O se talitonuga leaga e mafai ona ta'ita'i atu ai i tatou i galuega leaga. A e pe afai o ia i tatou se fe'au e avatu i le lalolagi peita'i pe afai e le o manino ma malamalama le uiga o le fe'au, e fa'apefea ona lava ma mafai ona tatou tu'uina atu le fe'au ia i latou o fia fa'alogo i ai?

Faitau le fe'au a agelu e to'atolu i le Fa'aaliga 14: 6-12. O a ni fa'afitauli i talitonuga i le Atua o inei, ma aisea e tatau ai ona sa'o le malamalamaga?

ASO FARAILE ME 8

SU’ESU’EGA FA’AOPOOPO: Faitau Elena Uaita, "O le a le mea e fai pe afai e Masalosalo," pp. 105-113. La'asaga ia Keriso, mai le faitau "Methods of Bible Study,"

"I lau su'esu'ega o le upu, o lo o taoto ai i le faitoto'a ou manatu ma lou taofi ma le manatu na e ola mai ma oe. e le taitai e oo i le upu moni pe afai o e su'esu'eina le Tusi Pa'ia ina ia fa'aleleia ai ou lava manatu. Fa'ata'atia le mea lenei i le faitoto'a, peita'i i le loto maulalo ia e alu ma fa'alogo i le mea e fai mai ai le Ali'i ia te oe. Ma o le avea o se sa'ili ma le loto maulalo i le upu moni ma nofo i a'ao o Keriso, ma a'oa'o mai ia te ia, o le a avatu loa e le upu ia te oe le malamalamaga. Ia i latou e popoto ma atamamai ia i latou lava ma su'esu'e le Tusi Pa'ia, ua fetalai mai Keriso, E tatau lava ona avea oe o le agamalu ma le loto maulalo pe afai o e fia poto i le fa'aolataga.

"Aua e te faitauina le upu i lou iloa na i ai muamua, peita'i, mai le mafaufau ua sa'oloto mai le fa'aitu'au, ia su'esu'e ma le fa'aeteete ma le tatalo. Pe afai e pei ona faitauina, ona e iloa loa lea, ona e va'ai loa lea i manatu o lo o e fa'apelepeleina e le o o gatasi ma le upu, aua ne'i e taumafai e avea le upu ia fetaui ma manatu nei. Ia avea ou manatu ia fetaui ma le upu. Aua ne'i e fa'atagaina le mea ua e talitonu i ai po le mea na e faia i le taimi ua te'a e pulea ai lou malamalamaga. Ia pupula mata o lou mafaufau ia iloa ai mea ofoofogia mai le tulafono. Ia iloa mea ua tusia, ma tu ou vae i le Papa e fa'avavau." -Ellen G. White, Messages to Young People, p. 260.

FESILI MO FELAFOLAFOA’IGA:

(1) Ua tatou ioe uma lava o i tatou o tagata agasala ma a'afia i le agasala. O a ni auala ua a'afia ai i tatou i le faitauina o le Tusi Pa'ia? O lona uiga, o le a se mea a le agasala ua faia ia i tatou e mafai ona fa'aliliu sese le upu a le Atua? Mo se fa'ata'ita'iga, e fa'apefea e lo tatou mana'o ia faia se mea ua fa'aleaga i le Tusi Pa'ia ua mafua ai ona tatou faitauina le Tusi Pa'ia i se auala ua te'i ua suia fa'afuase'i? O a nisi auala ua faia e le agasala i la tatou fa'aliliuga o le Tusi Pa'ia?

(2) E fa'apefea e lo tatou malamalamaga i le taimi o le Tusi Pa'ia ma le aganu'u ona fesoasoani i nisi o faitau o le Tusi Pa'ia? Aumai ni fa'ata'ita'iga?